Page 30 - FY24_Student AndFamilyHandbookCreole_9-26_23
P. 30
Règleman 8.124 - Règleman pou Pote Aparèy Elektwonik Lakay
Yo kapab bay tout elèv Distri Lekòl Rejyon Palm Beach yo aparèy elektwonik. Aparèy sa yo se pou itilize pou aprantisaj pou
sipòte objektif kourikoulòm yo epi yo pral disponib pou elèv yo itilize lakay yo oswa nan lekòl la. P-8.124 “Electronic Device
Take Home Policy” - te devlope pou kontwole aparèy elektwonik elèv yo pote lakay yo.
KOD POU IJANS
Elèv yo
▪ Kod Wouj – Vewouyaj konplè – Moun pa deplase
▪ Kod Yellow – Vewouyaj – Mouvman limite
▪ Kod Ble – Evakyasyon oswa abrite sou plas
▪ Kod Blan– Menas bonb – evakyasyon oswa pran refij sou plas
▪ Kod Vèt – Fonksyònman nòmal -Tout bagay klè.
Tout Kòd Alèt Distri yo - Paran ak vizitè yo pa dwe eseye kontakte elèv yo pandan gen yon plan alèt oswa kòd ijans distri
a ap egzekite. Paran yo ta dwe suiv estasyon radyo ak televizyon lokal yo pou plis enfòmasyon. Selon longè ak gravite ka
ijan an, y ap kontakte paran yo atravè ParentLink epi mande yo pou yo siveye Twitter @PBSchoolsPD, @pbscd.
EDIKASYON ELÈV ESPESYAL
Règleman 5.725
Distri a aplike tout rekòmandasyon federal ak lwa leta yo konsènan idantifikasyon, demand pou konsantman pou
evalyasyon ak plasman elèv ki genyen andikap ansanm ak elèv ki entelijan anpil yo. Si w sispèk pitit ou a gen yon andikap
oswa li entelijan anpil, kontakte reprezantan/responsab pou pwogram ESE a nan lekòl pitit ou a pou plis enfòmasyon. Lòt
adilt ki kapab akonpaye paran yo nan reyinyon kote y ap diskite sou sitiyasyon elèv yo.
Si yo te deja idantifye pitit ou a kòm yon elèv ki genyen yon andikap (SWD ann anglè) epi genyen pwoblèm oswa enkyetid,
kontakte responsab ESE nan lekòl la. Y ap bay paran yo yon kopi pwosedi sou pwoteksyon dwa paran (Notice of Procedural
Safeguards for Parents of Students with Disabilities) ki souliyen dwa kòm paran yon elèv ESE. Se ekip Plan Edikasyon
Endividyèl (IEP) la ki pran tout desizyon konsènan yon elèv SWD yo. Se ekip Plan Edikasyon Endividyèl (IEP) la ki pran tout
desizyon konsènan yon elèv SWD yo. Pou elèv ki klase kòm elèv ki entelijan anpil yo, se Ekip (EP) kip pran desizyon ki
konsène yo.
Akomodasyon pou Tès Evalyasyon nan tout Eta a
Se ekip IEP a ki gen pou detèmine ki kalite akomodasyon elèv andikape yo ap bezwen. Akomodasyon sa yo, si genyen, dwe
an konfòmite ak menm kalite akomodasyon elèv la oblije genyen nan klas li pandan tout ane lekòl la. Kèlkeswa
akomodasyon ekip IEP a rekòmande yo dwe konfòm ak lis akomodasyon ki posib Depatman Edikasyon Eta a (FLDOE)
detèmine ak preskri yo.
Florida Alternative Assessment (FAA)
Pou elèv ki gen pwoblèm andikap entèlektyèl ki pi enpòtan nan klas 3 yèm -12 yèm ane, Ekip IEP a kapab dokimante elèv sa yo
ki elijib pou pran egzamen FAA. Konsantman paran obligatwa pou yon elèv pran egzamen FAA. Detèminasyon sa a baze
sou kritè Depatman Edikasyon Florid la bay, Règ 6A-1.0943, (F.A.C.), epi li fèt pou elèv k ap travay sou yon pwogram
altènatif akòz gwo andikap entèlektyèl yo. Y ap mande paran yo bay konsantman alekri pou elèv yo patisipe nan yon
kourikoulòm modifye ak FAA.
Manyèl Elèv ak Paran pou Ane 2024 22 | Page
